മരണത്തിന്റെ നിറം കറുപ്പാണോ?
ആര് പറഞ്ഞു മരണത്തിന് നിറം ഉണ്ടെന്ന്?
ഇല്ലേ???
നിറമിലെങ്കിലും മരണം ഇരുട്ടല്ലേ-
നിറമിലെങ്കിലും മരണം ഇരുട്ടല്ലേ-
ഇരുട്ടിന്റെ നിറം കറുപ്പല്ലേ, അപ്പോൾ മരണത്തിന്റെ നിറവും അത് തന്നെ.
ഇരുട്ടിനെ എനിക്ക് പേടിയായിരുന്നു- കറുപ്പിന്റെ-
സൗന്ദര്യം കണ്ടെത്തുന്നത് വരെ,
പക്ഷെ ഇന്ന് ഞാൻ ഇരുട്ടിനെ സ്നേഹിക്കുന്നു-
മരണത്തെ സ്നേഹിക്കുന്നത്പോലെ...
എന്റെ യാത്രകൾക്ക് ലക്ഷ്യങ്ങളുണ്ട്,
കൊതി തീരാതെ ഞാൻ സഞ്ചരിക്കുന്നു..
എന്റെ മരണത്തെ കണ്ടെത്തുന്നത് വരെ,
എന്റെ മരണം, അതാണെന്റെ ലക്ഷ്യം,
നാഥന് ഞാൻ കൊടുക്കുന്ന ഉത്തരങ്ങൾ,
അതിനുവേണ്ടി ഞാൻ സഞ്ചാരിയായി, അല്ല എന്നെ -
സഞ്ചാരിയാക്കി.. എല്ലാം നിന്റെ തീരുമാനങ്ങൾ, ഞാൻ നിന്റെ-
അടിമയല്ലയോ,
ഇരുൾ വീണ വഴികൾ മാത്രമെനിക്ക് പരിചയമുള്ളൂ,
നീ നൽകിയ വെളിച്ചം വിസ്മരിച്ചീ പാപിയാം സ്വാർത്ഥൻ,
ഒരു വേള മനുഷ്യനായ് ജീവിച്ചിരുന്നേൽ,
ഒരു വിത്തു വിതച്ചിരുന്നേൽ,
തണലായ് മാറിയിരുന്നേൽ,
ഇടാറില്ലായിരുന്നെൻ ഹൃദയം,
അസ്തമയത്തിനു സമയമായെന്നറിയുമ്പോൾ-
വൈകിയ ചിന്തകളെന്തിനു നൽകി,
നിൻ വിചാരണം, അസ്ത്രങ്ങളായ്-
നെഞ്ചിൽ തറക്കുന്നു,
അശ്രു പൊടിയുന്നു, ഹൃദയ വേദനയ്ക്ക് കണ്ണീരിന്റെ അലങ്കാരമാണ്,
പാപ മോചനം നൽകൂ..
നശ്വര ജീവിതമേ,
മരണം കൊണ്ടെന്നിൽ വെളിച്ചമേകൂ..
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ