ജുമുഅ സന്ദേശം
ഇന്നത്തെ ജുമുഅക്ക് മുൻപ് ഉസ്താദ് സംസാരിച്ച വിഷയം എന്നെ വല്ലാതെ ആകർഷിച്ചു , ശരിയ്ക്കും നാമോരോരുത്തരം വിശദമായി ചിന്ദിക്കേണ്ട കാര്യം തന്നെയാണ് . സാമൂഹിക മാധ്യമങ്ങളുടെ അതിപ്രസരണം കൊണ്ട് സ്വയം നിയന്ത്രണം നഷ്ടപ്പെട്ട സമൂഹത്തിലാണല്ലോ നമ്മൾ ജീവിക്കുന്നത്.
എന്തിനും ഏതിനും സമൂഹ മാധ്യമങ്ങളെ ആശ്രയിക്കുന്ന നമ്മൾ , അതിന്റെ നന്മയെക്കാൾ,തിന്മകളുടെ വാഹകരാവുന്നുവോ എന്നത് പരിശോധിക്കേണ്ട കാര്യമാണ് . ഫേസ്ബുക്കിലും,വാട്സ്അപ്പിലും നമുക്ക് ലഭിക്കുന്ന പോസ്റ്റുകളെ വേണ്ടരീതിയിൽ പഠിക്കാതെ , മനസ്സിലാക്കാതെ അത് ഷെയർ ചെയ്യുന്നതിലൂടെ നാം സ്വയം നാശത്തിന്റെ വാതിലുകൾ തുറക്കുകയാണ് ചെയ്യുന്നത്.
ഒരാൾ ഒരു തെറ്റ് ചെയ്യുന്നത് കണ്ടാൽ തന്നെക്കൊണ്ട് ആ തെറ്റിനെ തിരുത്താനാവുമെങ്കിൽ അതിനു ശ്രമിക്കയാണ് വേണ്ടത്, അതിനു പകരം ആ തെറ്റിനെ സമൂഹത്തിന്റെ മൂന്നാം കണ്ണായ ക്യാമെറകൊണ്ട് ഒപ്പിയെടുത്തു പരസ്യപ്പെടുത്തി പുണ്യാളനാവുകയാണോ ചെയ്യേണ്ടത്?
യഥാർഥാത്തിൽ സതാചാരപൊലീസുകാർ എന്നുവിളിക്കേണ്ടത് ഇവരെയല്ലേ..??
ഒരാളുടെ ഒരു തിന്മയോ, അത്പോലെ ന്യൂനതകളോ കാണുമ്പോൾ അതിനെയെങ്ങനെ കച്ചവടച്ചരക്കാക്കാം എന്ന്- ചിന്തിക്കുകയല്ലേ നാമോരുരത്തരും കൗതുകമെന്നുകരുതി ചെയ്യുന്നത്, യാഥാർഥാത്തിൽ മറ്റൊരാളെ വേദനിപ്പിച്ചുകൊണ്ടുള്ള ഈ രസിക്കൽ എങ്ങനെ കൗതുകമാവും, വിനോദത്തിനു അതിരുകൾ ഇല്ലേ..?
പ്രവാചകൻ മുഹമ്മദ് നബി(സ ) പഠിപ്പിച്ചത്, ഒരാൾ മറ്റൊരാളുടെ ന്യൂനതകൾ കണ്ടാൽ കഴിയുമെങ്കിൽ അയാളെ സദുപദേശിക്കട്ടെ, ഇല്ലെങ്കിൽ അത് മറച്ചുവെച്ചുകൊള്ളട്ടെ എന്നാണ്.
ചീഞ്ഞളിഞ്ഞ ഈ സാമൂഹിക ചുറ്റുപാടിനെ എതിർക്കാൻ ഇനിയും വൈകിക്കൂടാ, ഈ ഞാനടക്കം ആത്മ പരിശോധന കൂടിയേ തീരൂ സഹോദരന്മാരെ..
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ